VOLTAMOS A SANTA ISABEL PARA ENFRONTARNOS AO SANTIAGO

Este próximo domingo día 15 de Xaneiro a SD volta a que fora a súa casa durante moitos anos pero esta vez coma visitante. En fronte terá un equipo coas mismas cores, cun escudo similar e con moitos ex da SD nas súas filas coma pode ser o caso de Rodrigo Veiga RODRI, Santi Crego ou Otero.
Para este encontro Santi Feás non poderá contar con Mariscal que está sancionado trala súa estupida expulsión do pasado sábado nin tampouco cos lesionados Boquete e Brigos aínda que recupera a Choco tras cumplir sanción na pasada xornada.
Este é o derradeiro encontro da primeira volta e tal vez sexa o momento de facer unha primeira analise do que deu o equipo ata este intre. Atópase na 15º posición con 20 puntos (os mesmos que a tempada pasada o final da 1ª volta) sumando 5 victorias, 5 empates e 8 derrotas. Estes números son os esperados pero o comenzo do equipo facía presaxiar unha clasificación mais esperanzadora ca actúal tendo en conta que das 8 derrotas 6 foron na casa, tal vez sexa o handicap de non alcanzar a estas alturas de campionato unha clasificación máis honrosa.
A pesar de tódolos contratempos que poida haber, os siareiros do Kompos voltaremos a estar co noso equipo nun encontro onde se voltará a demostrar cal é o equipo da cidade por moito que traten de matar as nosas cores. A POR ELES!!! FORZA KOMPOS!!!